艾莉絲 
|
|
| http://crazyiris.theztyle.com |
(11分)
累積人氣(262475), 今日人氣(5), 11472個學分 
,
225篇文章, 8978個留言 ,被推薦406次
全部 個人動態
全部 文章
-
激大打擊！！失敗過後夢還會實現嗎？
有見過我0既都應該知道，我係個不節不扣0既肥師奶，打扮雖然未必似，但絕對係師奶身形，雖然我本身都唔係骨感0既女仔，但無可否認結婚後真係一發不可收拾，肥左二、三十磅真係一d 都無誇張。
係咪因為已為人妻所以自暴自棄？？其實我一路都好想減，但基於身體毛病、壓力同飲食唔定時，減肥對我黎講真係有好大難度，講真，我老公係唔mind，因為佢覺得愛唔愛同身形唔關事，另外係佢自己都肥左好多，但對我黎講，見住自己咁肥真係好惡頂好難受，成個人0既自我形象都低左好多呢！
而我好想瘦返0既其中一個原因，就係結婚果時因為種種因素，都無好認真咁影過一輯婚紗相，到之後肥左就更加唔會想影啦！所以我好希望可以減肥成功，同老公影返輯靚靚婚紗相做個紀念呢！
瘦身減肥對我黎講，就好似夢一樣，好虛幻又唔知幾時先可以成真，所以知道中左Dr Renew 夢想成真0既改做計劃，真係好振奮，一心已經諗住要做body reatment ，但因為自己未試過，都真係有d 騰囉！
本身係0向銅鑼灣做，後來我改期又改左去佐敦，電話裡面職員都好nice 咁幫我改。
終於果晚我8點上到去佐敦分店，職員都好友善去接待我，但當我講話約左果陣，佢地好似唔知咩事咁，講多兩句先有職員話ok 叫入房填資料。
佐敦呢度係細細間，不過幾光猛。
好雅緻0既環境，仲有個大螢幕。
大螢幕播緊佢地代言人Yumi 0既宣傳片段。
仲有d 雜誌畀大家等果陣睇。
我就係呢間房填資料，填好等左陣職員先入黎。初時佢提議可以做facial ，唔係好有畀我自己揀0既意途，到見我無咩反應，先話我想做咩可以自己揀，我話做body 佢先提出話可以做爆脂機。
沿路行果環境都好幽靜呢！
我就係0向呢間房做treatment ，先要換好袍同紙低低，再去磅重。唉！唔磅由自可，一磅，我想死！！其實明明我呢期真係瘦左，都唔少人咁同我講，衫褲都鬆動左，但磅完出黎個重量同個脂肪比例，真係完全無辦法接受，好大打擊呀！！
就係咁，我懷住勁灰勁頹0既心情去做爆脂機喇！
呢部機只係需要做20分鐘，搽左d 好凍0既gel先開始，職員用個好似按摩器0既儀器0向個肚上面碌0下碌0下，過程係無咩特別感覺，係後期feel 到有點點熱力咁，加上我放左工其實勁疲累，所以幾乎訓著左囉！
本來我都幾滿意職員0既態度同手勢，但我做緊果陣，竟然有另一位職員開門問野，講緊我係無著面衫only 得紙bra top 同 under 囉，到我剛做完果陣，又係咁開門入黎搬走部機，因為趕住畀另一個客用。雖然同我做0既職員都有講聲唔好意思，但我真係唔太接受到，因為感覺上私隱畀侵犯咁。上去做treatment，無衫著已經好唔安心，仲要當你肚同膊頭等咁多肉都曝露出黎果陣，無啦啦有人開門，都咪話唔驚囉！
過程都講完，係時候要畀返d 對比大家睇。
未做之前，真係慘不忍睹，自己見到都唔開胃，大家決定碌落去之前真係要做足心理準備，如果驚太驚嚇，可以click 返右上角個 X 離開。
準備好未？
Ready?
完成左爆脂機之後就係咁：
做完會feel 到個肚好暖，肉眼睇效果可能未必好覺，但其實搣到係成個腩軟左同薄左，咁職員再幫我度呎吋之後，都見到有明顯減少，胃腩、腰同肚都各自減左一吋到吋半呢！
我見到其他blogger 0向做完呢個treatment 之後，都有得做收緊，但唔知點解佢地無幫到我做，只係叫我兩個鐘頭內唔好進食，同返去著返d 收緊0既內褲咁，唔知到其他人有做都還好，知道之後真係有d失望。
另外都有見有d blogger 做到多過一次，但我就只係做左一次，雖然都叫有即時效果，但得一次treatment 其實對我黎講都無乜作用，叫見識左咁，同「夢想成真」實在 距離太遠呢！
不過都好多謝the Ztyle 同Dr Renew 提供今次機會，除左接觸到呢d 醫學瘦身儀器外，仲令我得到當頭棒喝，決定的起心肝減肥！！我明白瘦身之路會好長好辛苦，但為左「夢想成真」，我會努力！！
p.s. 其實我都想多d 相，但全程0既相都唔係我影，我一入去無耐職員就問要左部相機話幫我影，跟住就到走先畀返我，所以全部相都係佢地幫手影，真係唔該哂。
另外，早前日本FINE 酣睡膠原果個睡衣look 比賽已經開始投票喇！
本人難得一次0既性感，希望大家投票支持0下我啦！我係6號呀！謝謝！
-
新鮮滾熱辣：Bourjois 有機排毒底妝系列
早排收到咭知道有新粉底，又有機又排毒咁，已經諗定一放工就去買，但點知病左請左假，諗住都買唔到住架啦喇。雖然無返工，但夜晚都要返學，其實唔舒服真係超唔願返，只係尋日要測驗，想唔返都唔得，就係咁，放學經過朗豪果陣忍唔住入去買左喇！
好pure 0既packing，真係有有機認證，信得過架！又黎素顏嚇嚇大家先：
呢輪係咁病又訓得唔好，d 皮膚又差返哂，粒粒同泛紅嚴重左，毛孔都粗大左，黑眼圈就簡直嚇人啦。
我用0既係51 Light vanilla，都幾水幾好推。不過用呢粉底液真係要快手，因為佢乾得好快架！
真係好薄好貼，但遮瑕度就一般啦，始終d 粒粒太多好難遮哂，不過都均勻返個膚色，兩邊臉頰無咁紅，遮左少少黑眼圈咁啦。同埋佢又唔太笠，出黎效果都比較啞緻呢！
至於遮瑕膏係走珠式架，好有創意呢！
就咁碌上去，再印開就ok啦！好方便！
眼圈淡左少少，同埋眼底d 黃都遮左，但未算係好強勁遮瑕力啦！不過佢勝在好貼都唔乾。同場加映：唔算係新野0既魔法變幻唇彩！！
呢個係限量版黎架！
剛上手係透明0既，但話咁快，一分鐘都唔駛，就開始出現變化喇！
大家見到嘛？係變左粉紅色架！因為佢會隨住你0既體溫去變呢！先黎素唇：
加左唇彩之後：
效果好水潤好自然，紅紅地又遮左唇紋，仲有輕微豐唇效果呢！雖然呢篇文好簡短，但係我一心早d 起身，又化妝又影相又執相，都係為左早d 同大家分享，真係好有誠意架！希望大家會留0下言同推推，去支持同鼓勵0下我啦！謝謝！ -
到底我係可愛定性感睡寶寶？首度破格！只此一次！
訓一覺就可以變靚？大家聽到可能會諗：發夢咩？！
係呀，訓個好覺、發個好夢，咁就可以變靚架喇！但點先可以訓個好覺、發個好夢先得架？
都市人生活緊張又咁又壓力，睡眠時間又唔足夠、質素又差，真係少有可以訓覺好，皮膚想唔變差到難啦！而日本FINE Night Collagen 酣睡膠原蛋白，就有酣睡修復配方，令你輕鬆入睡之餘，仲有膠原蛋白、透明質酸等等幫你去修復肌膚，可以美白去斑、回復彈性呢！
一盒有成28 包，差唔多一個月份量，都只係HKD 258 (依家特價HKD 238)，唔駛10蚊一日。
日本製造，不過有好清晰0既中文說明，睇到成份天然，可以安心服用。
每包就係咁一條2.7克，只有10 Kcal ，每晚一包都唔怕肥。
可以就咁口服或者用溫水開，我自己偏好用水開黎飲。
咁少水就夠架喇，太多水會影響個味道呢！
加入左橙啡0既粉末。
攪兩攪就變左橙色。
其實打開已經聞到幾香，唔會好似其他膠原蛋白產品咁腥味咁重，說明上話係菠蘿味，但我覺得唔太似，唔係好好飲又唔係難飲，可以接受。
到依家只係飲左兩個星期左右，肌膚有無明顯改變就真係無察覺到，但就確實知道0既係呢輪勁唔夠訓、又成日唔記得落妝同好多時無搽保養品就訓左，但d 皮膚都完全無差到，仲仍然keep住好紅潤有光澤，唔知係咪歸功於Night Collagen 呢？
皮膚有無變好未可以有十足肯定，但飲左之後就真正感受到何謂酣睡，唔係太疲累所以訓得稔果隻，係真係好易就訓得著，同埋唔會成晚好醍訓同勁多夢咁。我係一向都訓得唔好，成日失眠、醒訓同不時發惡夢0既人，所以呢方面0既轉變真係好明顯呢！所以飲完呢盒之後，我可能都會考慮減價果陣入d 貨繼續keep住飲呢！
畢竟訓得好先可以keep得到，有好0既睡眠，莫講話皮膚會靚d，身體都好d啦！今次仲有個靚靚睡衣look比賽，一向唔著衫訓覺0既幾經辛苦先摷到我珍藏果兩套睡衣呢！
係咪好kawaii呀？我又點會淨係影衫咁哀女，當然有親身上陣啦！
不過咁......講到明我唔鍾意著衫訓覺啦，就算依家因為有奶奶0向度唔方便要著返衫訓覺，都唔會揀d 咁繁複又綁手綁腳0既睡衣啦！
咁究竟唔鍾意著衫訓覺0既我，無得揀之下，會著咩訓覺呢？
呢輪我0既睡衣，就係綿或者麻0既吊帶裙喇！少d 布又鬆身d 無咁拘束舒服好多架！
好啦，下面0既相真係前所未有咁性感，大家準備好未？？
難得一次0既性感，希望大家留言推推黎支持0下我啦！如果投埋我一票就更感激喇！哈！謝謝！
好，夜喇，再唔訓就飲多多Night collagen 都補唔返呢！
Good night, have a nice dream!
留言版